Вучнёўскае самакіраванне – орган самакіравання вучняў установы адукацыі.
ЗМЕСТ ДЗЕЙНАСЦІ ОРГАНАЎ САМАКІРАВАННЯ
Змест дзейнасці органаў вучнёўскага самакіравання вызначаецца, зыходзячы з вядучых відаў дзейнасці, якія характэрны для арганізацыі пазаўрочных заняткаў у школе.
Такімі відамі дзейнасці з’яўляюцца:
пазнаваўчая дзейнасць – прадметныя нядзелі, сустрэчы з цікавымі людзьмі, інтэлектуальныя гульні, дыспуты, канферэнцыі, кансультацыі (узаемадапамога вучням у вучобе);
працоўная дзейнасць – клопат аб парадку і чысціні ў школе, добраўпарадкаванне школьных памяшканняў і тэрыторыі школы, арганізацыя дзяжурства;
спартыўна-аздараўленчая дзейнасць – арганізацыя работы спартыўных секцый, спаборніцтвы, дні здароўя;
мастацка-эстэтычная- канцэрты, фестывалі, святы, конкурсы, выставы, сустрэчы;
шэфская дзейнасць – дапамога малодшым, клопат аб старэйшых;
інфармацыйная дзейнасць- пісьмовая інфармацыя аб жыцці класных калектываў.
Уся дзейнасць дзейнасць плануецца самімі вучнямі, у ходзе рэалізацыі плана вучнямі аказваецца дапамога як на класным, так і на школьным узроўні.
Арганізацыя самакіравання:
- Вучыць вучняў уменню кіраваць і падпарадкоўвацца.
- Вучыць быць патрабавальнымі, аб’ектыўнымі, самастойнымі.
- Садзейнічае выхаванню пачуцця адказнасці і калектывізму.
- Выпрацоўвае правільныя адносіны да крытыкі.
- Стварае ўмовы для праяўлення і развіцця здольнасцей кожнага вучня.
- Дае магчымасць якасна арганізаваць работу ў класным калектыве, школе.
Самакіраванне – спецыфічная арганізацыя калектыўнай дзейнасці, мэтай якой з’яўляецца самаразвіццё асобы.
Без самакіравання не можа быць сапраўднага развіцця асобы ў калектыве.